Farmer Registry Online Kaise Kare? (Step-by-Step Guide ) 

Welcome to Online aab pher, aaj ki blog mein hum samajhega ki Farmer Rigistry online kaise kare step by step. Aaj ke digital time me har kaam online ho raha hai, aur ab farming se related processes bhi kaafi easy ho gaye hain. Agar aap ek kisan ho, to Farmer Registry karwana aapke liye bahut important ho chuka hai. Isse na sirf aapko ek official certificate milta hai, balki future me milne wali sarkari yojanaon ka benefit lene ke liye bhi yeh zaroori ban gaya hai.

Is article me hum simple aur easy Hindi words aur English latters me samjhenge ki aap ghar baithe apni Farmer Registry kaise complete kar sakte ho.

Farmer Registry Kyun Zaroori Hai?

Sabse pehle yeh samajhna important hai ki Farmer Registry ka benefit kya hai. Jab aap apna registration complete karte ho, to aap ek verified farmer ban jaate ho government ke record me. Iska matlab hai ki:

 • Aapko sarkari schemes ka benefit lene me aasani hogi

 • Aapka data officially record ho jayega

 • Aapko ek Farmer Certificate milega

Aaj ke time me yeh process almost har kisan ke liye zaroori ho gaya hai.

Step 1: Official Website Open Kare

Sabse pehle apna mobile ya computer ka browser open karo. Uske baad search bar me type karo:

“Farmer Registry + aapka State ka naam”

Jaise hi aap search karoge, aapko official website mil jayegi. Official website naam hai Agri Stak. Hamesha official website par hi visit karo taaki koi galti na ho.

Step 2: New Account Create Kare

Website open hone ke baad aapko “Farmer” tab ya option dikhega. Us par click karo.

Agar aap pehli baar use kar rahe ho, to aapke paas login details nahi hongi. Isliye aapko “Create New User Account” par click karna hoga.

Yahan aapko apna Aadhaar number enter karna hai aur submit karna hai.

 • Aadhaar se linked mobile number par OTP aayega

 • OTP enter karke verify karo

Jaise hi aap verify karoge, aapka basic data automatically fetch ho jayega. 

Step 3: Mobile Number Aur Password Set Kare

Ab aapko apna current mobile number enter karna hoga aur usko bhi OTP se verify karna hoga.

Iske baad ek strong password set karo (minimum 8 characters). Password confirm karke “Create My Account” par click karo.

Bas, aapka account successfully create ho jayega.

Step 4: Login Karke Farmer Registration Start Kare

Ab dubara login page par jao aur apna mobile number aur password enter karke login karo.

Login hone ke baad aapko “Register as Farmer” ka option milega. Is par click karo.

Step 5: Personal Details Fill Kare

Yahan aapko kuch important details fill karni hongi:

 • Apna naam Hindi ya regional language me

 • Apni caste category (OBC, SC, ST, General)

 • Father ya husband ka naam Hindi me

Agar aapka koi duplicate registration hai, to uska number enter kar sakte ho, warna skip kar do.

Step 6: Address (Residence Details) Update Kare

Aapka Aadhaar se linked address automatically aa jayega.

Agar aapka current address alag hai, to aap manually update kar sakte ho. Dhyaan rahe ki state same hona chahiye, lekin district, village, pin code wagairah change kar sakte ho.

Step 7: Land Details Add Kare

Yeh sabse important step hai.

“Land Ownership Details” me jaakar “Owner” select karo. Agar aap apni zameen par kheti karte ho, to “Agriculture” aur “Land Owning Farmer” dono options select karo.

Ab “Fetch Land Details” par click karo aur yeh details enter karo:

 • District

 • Sub-district (Tehsil)

• Village

 • Survey Number (Gata Sankhya)

Survey number aapko apni khatauni me mil jayega. Details submit karte hi aapki land information screen par aa jayegi.

Agar aapka naam list me nahi aata, to aap manually bhi registration kar sakte ho.

Step 8: Multiple Lands Add Kare

Agar aapke paas ek se zyada zameen hai, to aap sabko alag-alag add kar sakte ho.

Sab add karne ke baad “Verify All Land” par click karo. Yahan aapko total land area (hectares me) dikh jayega. Isse achhi tarah check kar lo. 

Step 9: Final Details Aur OTP Verification

“Social Registry Details” me aap apni Family ID ya Ration Card details dal sakte ho (optional hai).

Uske baad “Department of Approval” me Revenue select karo aur “I Agree” par click karo.

Update karte hi OTP aayega, usse verify kar lo.

Step 10: e-Sign Process Complete Kare

Ab last step hai e-Sign, jo ab mandatory ho gaya hai.

Yahan aapko Aadhaar number enter karna hoga aur OTP ke through verify karna hoga. Yeh confirm karta hai ki registration aapne khud kiya hai.

Jaise hi aap e-Sign complete karte ho, aapka registration successfully submit ho jata hai.

 • Registration Complete Hone Ke Baad

 • Registration complete hone ke baad:

 • Aapko ek Farmer Enrollment ID milegi

 • Aap PDF download karke save kar sakte ho

 • Status initially “Pending” rahega

Aap “Check Enrollment Status” option se apna status kabhi bhi check kar sakte ho. Jaise hi government approval milta hai, aapki Farmer Registry ID generate ho jayegi.

Conclusion

Toh dosto, ab aap samajh gaye honge ki Farmer Registry online karna kitna easy hai. Bas thoda sa time aur sahi information ke saath aap ghar baithe apna registration complete kar sakte ho.

Agar aap ek kisan ho, to is process ko ignore mat karo, kyunki future me yeh aapke liye kaafi helpful hone wala hai.

Umeed hai yeh guide aapke liye useful raha hoga 😊